Read more: http://techdesktop.blogspot.com/2007/08/manual-cual-es-el-feed-de-mi-blog.html#ixzz2OPda9Tcp

6 de maio de 2013

O TROTSKISTA: Manual de Instrucións




1. O trotskista avoga decididamente pola unidade. De facto, sabe que a súa Cuarta Internacional é a única, entre as ducias de Cuartas Internacionais, que loita realmente pola unidade.

2. O trotskista coñece un método preciso para se posicionar diante de calquera conflito político ou militar: estudar cais son os intereses dos Estados Unidos e deféndeos con paixón: URSS, Vietnam, Afganistán, Iugoslavia, Iraq, Libia, Siria...

3. O trotskista ten no entrismo un piar fundamental da súa praxe política. Basicamente consiste en afiliarse nunha organización sistémica, loitar duramente por un posto de moqueta e, unha vez conseguido, presumir da súa tola xuventude revolucionaria.

4. O trotskista adoita redactar extensos, retorcidos e enfastiantes textos teóricos, mais collerían nun papel de fumar de borrarmos as seguintes palabras: burocracia, Stalin, terror, entrismo e permanente.

5. O trotskista sabe quen é o culpábel de todo. Pouco importa que se trate da historia do socialismo, do movemento comunista, do resultado da súa equipa ou da súa vida afectiva: irremediabelmente, a culpa sempre é de Stalin.

6. (Instrución específica para o modelo de última xeración: o Neotrotskista) O neotrotskista diferenciase do trotskista en que nunca se declarará trotskista. Polo demais, cumpre á perfección coas cinco instrucións anteriores.

Nenhum comentário:

Postar um comentário